2019 წლის 20 ივნისის მოვლენებთან მიმართებაში აშშ სახელმწიფო დეპარტამენტის ანგარიშს ეხმიანება ლეიბორისტული პარტიის ლიდერი შალვა ნათელაშვილი:
“თუ ამერიკელი მეგობრების აზრით, 20 ივნისს, პარლამენტთან, ახალგაზრდებისათვის თვალების დათხრა პოლიციის მიერ თავის მოვალეობათა კანონიერი შესრულება იყო, მაშინ რატომ მიიჩნიეს 2003 წლის 22 ნოემბერს პარლამენტში შეჭრა, მთავრობის დამხობა, ლეიბორისტული პარტიის დათხოვნა პარლამენტიდან მსოფლიოს გადამრჩენ პროგრესულ ვარდების რევოლუციად?” – წერს ფეისბუქის საკუთარ გვერდზე შალვა ნათელაშვილი.
ინფორმაციისთვის: აშშ სახელმწიფო დეპარტამენტმა სპეციალური ანგარიში გამოაქვეყნა 2019 წლის 20 ივნისს თბილისში მომხდარი მოვლენებთან დაკავშირებით და აღინიშნა, რომ „ასობით ადამიანი დაშავდა, მათ შორის, ზოგიერთმა თვალის მძიმე დაზიანება მიიღო, რადგან პოლიციამ რეზინის ტყვიები გამოიყენა. საერთო ჯამში, პოლიციამ შეასრულა წესრიგის დაცვის ვალდებულება დაუგეგმავი საპროტესტო აქციების დროსაც კი“.
