ტელეკომპანია ,,პირველის“ ოპერატორის ლექსო ლაშქარავას გარდაცვალების შესახებ კონკრეტულ დეტალებს იხსენებს დედა, თუ როგორ წაიყვანს მისი შვილი ექსპერტიზაზე და უზომო წუხილით აღნიშნავს ,,1 კვირა აჩუქა იმ 5 ივლისიდან ღმერთმა, რომ ერთ კვირაში უნდა მომკვდარიყო“:
,,მე გადმოვაბრუნე და ვნახე გაშავებული ტუჩები. ყველანი ექიმები ვართ – ვნახე, გავიგე რომ მკვდარი იყო, მაგრამ მე რატომ არ მოვკვდი?! იმ წუთში რატომ არ გადავხტი, რატომ, რა არის ეს?!
1 კვირა აჩუქა იმ 5 ივლისიდან ღმერთმა, რომ ერთ კვირაში უნდა მომკვდარიყო.
წინააღმდეგობა კი არა ყველა გაიყვანეს კაცები ვინც იყვნენ და დავრჩით 4 დედმამიშვილი. ხო გვცემეს, მე გადავეფარე, მე არ მიშვებდნენ და მერე უცებ გახვეული – ჯერ ვერ წარმოიდგენთ ხო რა გამოდის?! – გახვეული, გაკრული… გაიწიეთო, გადავეფარე, გადამიგრიხეს ეს ხელები მეც… რუსიკო იქ წაიქცა და გადაუარეს წაქცეულს… რა არის ეს მილიცია, ჩემს მტერს ჰქონდეს მაგათთან საქმე…
ლექსოს ყბის ძვლები დამტვრეული ჰქონდა, ოპერაცია გაკეთდა, თვალის ბუდე ჩამტვრეული… გვიხაროდა, რომ თვალი მაინც გადარჩა. ასე მეუბნებოდნენ, რომ თვალის კაკალი გადარჩენილია.
ე.ი. მეტი რა უნდა იყოს ამდენს, რომ თავში გირტყამენ და ამდენი კაცი, რომ შეგდგება?! მეტი რა უნდა იყოს???
რა კარგ ხასიათზე მოვიდა თან წუხელ, რაღაცნაირად ისეთი ბედნიერი იყო – არ მინახია ასე… რაღაცნაირად გახარებული იყო დილით, რომ წავიდა გადაღებებზე.
ეტყობა იმ ტელევიზიაში შეხვდენენ, მიულოცეს გადარჩენა.
მოვიდა, მეფერა, დავაწვინე და მოკვდა…“, – აცხადებს ლექსო ლაშქარავას დედა.
