ქობულეთის მუნიციპალიტეტში ადგილობრივები ზღვისპირა ზოლში მიწების გასხვისებას აპროტესტებენ. როგორც ისინი აცხადებენ 28 ჰექტარი მიწის ფართობი აუქციონზე გასასხვისებლად იყო გატანილი. აუქციონი ჩაიშალა, თუმცა ადგილობრივები ამბობენ, რომ მიწების გასხვისების საშიშროება რეალურად კვლავ დგას. პროტესტის მონაწილეებს შეხვდა და მათი პრობლემები მოისმინა “სტრატეგია აღმაშენებლის” თავმჯდომარემ გიორგი ვაშაძემ. ვაშაძის თქმით ის საპარლამენტო ტრიბუნას მაქსიმალურად გამოიყენებს რათა ამ ადამიანების პრობლემა მოკლე დროში მოგვარდეს:
“ალბათ ვიღაცამ თვალი დაადგა ამ არაჩვეულებრივ ტერიტორიას, რომელსაც ფაქტობრივად ეს 150 ოჯახი ფლობს, თუმცა არ უკანონდებათ. მე მათ შევთავაზე, რომ სექტემბერში, როგორც კი პარლამენტი განაახლებს მუშაობას, მაქსიმალურად გამოვიყენებთ საპარლამენტო მექანიზმს. გარდა ამისა შევთავაზეთ, რომ 15-20 სექტემბეიდან თუ არ დაკმაყოფილდა მოთხოვნები და განაახლეს პროტესტი ჩვენ მათ გვერდში ვიქნებით. ასევე ჩვენ შევთავაზეთ მათ, რომ თუ სურვილი აქვთ თვითმმართველობის არჩევნებზე “სტრატეგია აღმაშენებლის” პლატფორმა გამოიყენონ, თვითონ გავიდნენ საკრებულოში და ჩვენთან ერთად იბრძოლონ ადგილობრივების პრობლემების მოსაგვარებლად”, – აცხადებს გიორგი ვაშაძე.
ინფორმაციას “სტრატეგია აღმაშენებლის” საზოგადოებასთან ურთიერთობის სამსახური ავრცელებს
