ველური ბუნების ეროვნული სააგენტოს საინტერესო მასალები საქართველოს ფაუნის შესახებ – გაიცანით კრწანისის ტყეპარკის მობინადრე ფრინველი მიმინო – Eurasian sparrowhawk (Accipiter nisus)
სხეულის სიგრძე: ♂ 29-34, ♀ 35-41სმ, ფრთების შლილი: ♂ 58-65, ♀ 67-80სმ. დამახასიათებელია მოკლე, განიერი ფრთები; გრძელი, კუთხოვანი კუდი და ყვითელი თვალები. მამალი დედალთან შედარებით შესამჩნევად პატარაა. სხეულის ზედა ნაწილი მოლურჯოა, ქვედა თეთრი, სტაფილოსფერი განივი ზოლებით. დედლის სხეულის ზედა ნაწილი მორუხოა, ქვედა – თეთრი, რუხი განივი ზოლებით.
ბუდეს იკეთებს ხეზე. აპრილის მეორე ნახევარში. დებს 4-5კვერცხს. საინკუბაციო პერიოდი 32- 40 დღე გრძელდება.
მართვეს გამოჩეკიდან 24-30 დღის შემდეგ შეუძლია ფრენა.
მისი ჰაბიტატია სხვადასხვა ტიპის ტყეები და ტყისპირები.
IUCN-ის სტატუსი: LC
კომენტარები - დატოვეთ თქვენი მოსაზრება