“სტრატეგია აღმაშენებლის” თავმჯდომარე გიორგი ვაშაძე, სოციალური ქსელის მეშვეობით, ამერიკელ ხალხს ქვეყნის დამოუკიდებლობის დღეს ულოცავს:
“ამერიკის შეერთებულ შტატებსა და ამერიკელ ხალხს გულითადად ვულოცავ დამოუკიდებლობის დღეს!
ამერიკის დამოუკიდებლობის დეკლარაციაში ასახული თავისუფლებისა და დამოუკიდებლობის ღირებულებები მისაბაძია მთელი მსოფლიოსთვის, მათ შორის, საქართველოსთვისაც.
ამერიკის შეერთებული შტატები ჩვენი მთავარი სტრატეგიული პარტნიორია, ჩვენ ვაფასებთ აშშ-ს ურყევ მხარდაჭერასა და უმნიშვნელოვანეს წვლილს ჩვენი ქვეყნის დემოკრატიულ განვითარებასა და საქართველოს ოკუპირებული ტერიტორიების არაღიარების მიმართულებით.
კიდევ ერთხელ გილოცავთ ამერიკის დამოუკიდებლობის დღეს! ღმერთმა დალოცოს ამერიკა, ღმერთმა დალოცოს საქართველო”, – წერს გიორგი ვაშაძე ფეისბუქის საკუთარ გვერდზე.