ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა ეკატერინე ტიკარაძემ ისაუბრა მასობრივი ვაქცინაციის დაწყების პროცესზე და მოქალაქეებს მოუწოდებს, რომ დაიცვან ჯანდაცვის სამინისტროს რეკომენდაციები პანდემიის პირობებში:
,,ინფორმაცია იმის თაობაზე, რომ ,,სონოფარმი“ და ,,სინოვაკი“ ვერ იცავენ მოქალაქეებს ,,დელტა“ შტამისგან – ეს არ არის სრულყოფილი, ვინაიდან სხვა ვაქცინებთან მიმართებაში გარკვეული კითხვები მეცნიერებს გააჩნიათ.
სწორედ ამიტომ, ჩვენ არაერთხელ ვიმეორებთ: მიუხედავად იმისა, რომ ვაქცინაცია არის ყველაზე მნიშვნელოვანი იარაღი ეპიდემიის დამარცხებისთვის და მნიშვნელოვანია, თითოეული ჩვენი მოქალაქე აიცრას, რათა ისინი იყვნენ დაცულები. ასევე ჩვენ ყოვეთვის ვუსვამთ ხაზს, რომ ძალიან დიდი მნიშვნელობა აქვს სოციალურ დისტანციას, ნიღაბის ტარებას და ყველა იმ რეგულაციის დაცვას, რომელიც პირველი დღიდან იყო მოწოდებული ჩვენი მეცნიერების/დაავადებათა კონტროლის მხრიდან. შესაბამისად ჯანდაცვის სამინისტრო ეყრდობა დაავადებათა კონტროლის მხრიდან მოწოდებულ რეკომენდაციებს. ჩვენ მოვუწოდებთ მოქალაქეებს, რომ დავიცვათ ყველა ის საჭირო ღონისძიება, რომელიც არის უსაფრთხო.
რაც შეეხება მასობრივ ვაქცინაციას – თქვენ იცით, რომ იანვარში დამტკიცდა ვაქცინაციის კალენდარი, რომელიც გულისხმობდა ვაქცინაციის პროცესის სხვადასხვა ფაზას და მესამე კვარტალში დაანონსებული იყო მასობრივი ვაქცინაცია.
სწორედ მესამე კვარტლიდან, ანუ შემდეგი თვიდან ჩვენ უკვე მზად ვართ როგორც რეგიონალურად, ასევე ცენტრალიზებულად თბილისში რომ დავიწყოთ მასობრივი ვაქცინაციის პროცესი.
ამავდროულად ვაქცინაციის პროცესში გამოიკვეთა რიგი საჭიროებები, რომელიც აისახა სხვადასხვა კლინიკისადმი სხვადასხვა სანდოობით და მობილობით – რეგიონებში და დედაქალაქში. ამან ჩვენ მოგვცა დამატებით იმის მინიშნება, რომ მნიშვნელოვანი არის განსაკუთრებით დედაქალაქში გაიზარდოს ვაქცინაციის მოცულობა, რისთვისაც ჩვენ ასევე ვართ მზად.
იმ ვაქცინებით, რომელიც ეტაპობრივად დაიწყებს შემოსვლას საქართველოში, კერძოდ კი შემდეგ კვირას გარკვეული მოცულობები გვექნება – ჩვენ დავიწყებთ ვაქცინაციის მასობრივ პროცესს“, – განაცხადა ეკატერინე ტიკარაძემ.
ავტორი
ნინი ხიჯაკაძე
