დღეს გამართულ საკოორდინაციო საბჭოს სხდომაზე მიღებული იქნა შეზღუდვების გარკვეული შემსუბუქების გადაწყვეტილება, რის თაობაზეც პრემიერ-მინისტრმა ირაკლი ღარიბაშვილმა, საზოგადოებას სხდომის დამთავრების შემდეგ საგანგებო ბრიფინგზე განაცხადა:
“მე მინდა გაცნობოთ დღეს მიღებული გადაწყვეტილებები:
- დღეიდან სავალდებულო აღარ იქნება პირბადის ღია სივრცეში ტარება (სავალდებულო იქნება მხოლოდ ტრანსპორტში და დახურულ სივრცეში);
- 1 ივლისიდან გაუქმდება გადაადგილების შეზღუდვა. მოიხსნება “კომენდანტის საათი”;
- 2 კვირაში შემოვა მილიონი დოზა ვაქცინა და დავიწყებთ ძალზე ინტენსიური ვაქცინაციის პროცესს“, – განაცხადა ირაკლი ღარიბაშვილმა.
