გაიცანით კრწანისის ტყეპარკის მობინადრე ფრინველი მარჯანი – Eurasian hobby (Falco subbuteo) – ველური ბუნების ეროვნული სააგენტო აგრძელებს საინტერესო მასალების გამოქვეყნებას საქართველოს ფაუნის შესახებ:
სხეულის სიგრძე: 29-35 სმ, ფრთების შლილი: 70-84 სმ. დამახასიათებელია შავი ულვაშები, თეთრი ყელი, გრძელი, ვიწრო ფრთები და წაწვეტებული კუდი. შეფერილობაში სქესთა შორის განსხვავება არ არის გამოხატული. სხეულის ზედა ნაწილი მოლურჯო-რუხი შეფერილობისაა. თეთრი ფერის მკერდსა და მუცელზე მოშავო გასწვრივი ზოლები გასდევს. წვივები და კუდის ძირის მფარავი ბუმბულები ჟანგისფერია. ახალგაზრდა მარჯანი ღია შეფერილობისაა.
ბუდეს იკეთებს ხეზე. ხშირად ყვავის ძველ ბუდესაც იყენებს.
მაისში დებს 2-3 კვერცხს. საინკუბაციო პერიოდი 28-30 დღე
გრძელდება. მართვეს გამოჩეკიდან 28-34 დღის შემდეგ შეუძლია
ფრენა.
მისი ჰაბიტატია მეჩხერი ტყეები
IUCN-ის სტატუსი: LC