ახალქალაქის, კუმურდოს და კარის მიტროპოლიტი მეუფე ნიკოლოზი ნინოწმინდის პანსიონატში მომხდარ ამბებს ეხმაურება და აღნიშნავს, რომ აუცილებელია საქმეში ჩაერთოს საგამოძიებო ორგანოები და პოლიცია, იმ შემთხევაში, თუ ნამდვილად ჰქონდა ადგილი ბავშვებზე ძალადობას და მათ მკაცრ ფიზიკურ დასჯას:
„ბრალდება ძალიან დასაზუსტებელი ტერმინია. თუ ლაპარაკი არის აქ კრიმინალურ გადაცდომაზე, მაშინ აუცილებლად ეს საკითხი უნდა განიხილოს კრიმინალურმა პოლიციამ და სამართალდამცავებმა.
ამბობთ, იქ ბავშვებს სჯიდნენ, აი მე ეხლა თქვენც გეტყვით, თქვენ ახლა ახალგაზრდები ხართ, მთელ საზოგადოებას მოვუწოდებ – ხაზი გავავლოთ და აქეთ მხარეს დადგნენ ისინი, ვისაც ბავშვი არასოდეს არ დაუსჯია – საკუთარი შვილი, აქეთ მხარეს დადგნენ, ვისაც დაუსჯია და კიდევ აქეთ მხარეს დადგნენ, ვისაც უცემია საკუთარი შვილი.
ე.ი. აქ ლაპარაკი არის ოცი წლის წინანდელ ამბებზე, თხუთმეტი წლის წინანდელ ამბებზე და მაშინ, როდესაც ოჯახებშიც კი ხდება ეს დღემდე.
ეს არის გადაცდომა. მე ვთვლი, რომ ბავშვი ფიზიკურად არ უნდა დასაჯო – მე ესე მიმაჩნია, ოღონდ ეს ძალიან ძნელია, ბავშვი ისე გაზარდო, რომ ხელი არ შეახო.
თუ ლაპარაკი არის დასჯის მკაცრ გადაცდომებზე, ეს უკვე კრიმინალური დანაშაულია. ეს უნდა დაადგინოს სასამართლომ“, – განაცხადა მეუფე ნიკოლოზმა.
