საარჩევნო რეფორმის საკითხზე მორიგი შეხვედრა გაიმართა უმრავლესობასა და ოპოზიციას შორის. “სტრატეგია აღმაშენებლის” პოლიტსაბჭოს წევრი, საარჩევნო და სამართლებრივი მიმართულების ხელმძღვანელი, ანა კობახიძე აღნიშნავს, რომ განიხილეს არჩევნებში ელექტრონული სისტემის გამოყენება და დანერგვა, რასაც ითხოვს ოპოზიცია:
,,ჩვენ წინააღმდეგნი ვართ ე.წ. საპილოტე პროგრამების იმიტომ, რომ ვითხოვთ არჩევნები ახალი სისტემით ჩატარდეს მთელი ქვეყნის მასშტაბით. შეთავაზებული გვაქვს ისეთი პროექტი, რომ 2021 წლის ადგილობრივი თვითმმართველობის არჩევნები ელექტრონული სისტემით და ახალ ტექნოლოგიით ჩატარდეს ყველგან.
ამიტომ ვაცხადებთ, რომ ტესტირება, მანამდე, კი ბატონო, უნდა ჩატარდეს. ამის შედეგად უნდა ვნახოთ – სად არის პრობლემები და როგორ შეიძლება ამის გამოსწორება? სწორედ ამის შემდეგ დავნერგოთ არჩევნების პროცესში“, – განაცხადა ანა კობახიძემ.
ავტორი
ნინი ხიჯაკაძე
