“სტრატეგია აღმაშენებლი” თავმჯდომარე და პარლამენტის წევრი გიორგი ვაშაძე დღეს ქედაში ადგილობრივი და რეგიონული განვითარების კომიტეტის გასვლით სხდომას დაესწრო. ვაშაძემ ადგილობრივ ხელმძღვანელებს ყველა ის კითხვა დაუსვა რაც მოსახლეობას დღემდე აწუხებს და მოუგვარებელი რჩება:
„დღეს პირველი გასვლითი სხდომა გვქონდა ადგილობრივი და რეგიონული განვითარების კომიტეტის. ამ კომიტეტში შევედი იმიტომ, რომ ვფიქრობ დღეს ყველაზე მეტად საქართველოს რეგიონებს უჭირს და ძალიან ბევრი გაჭირვებული ადამიანია, ვინც ვერაფრით აღწევს ხელისუფლებამდე და ვერ მიაქვს ის პრობლემები, რომლებიც მათ აწუხებთ.
საინტერესო იყო ეს სხდომა, სადაც მონაწილეობას იღებენ ადგილობრივი თვითმმართველობის ხელმძღვანელები. რაც დღეს ჩანს არის ის, რომ საერთოდ ვერ ვხედავ განვითარების სტრატეგიას თუ რის გაკეთებას აპირებენ, ან როგორ გეგმავენ ეკონომიკის გაძლიერებას და ზოგადად რა გეგმა აქვთ რეგიონის განვითარებისთვის. სამწუხაროდ ყველა მოხსენებაზე ბიუროკრატიული წარმოდგენა უფრო დამრჩა ვიდრე რაიმე შინაარსობრივი.
აქვე მინდა ვთქვა, რომ მე და ხათუნა სამნიძემ შევძელით რამდენიმე საინტერესო საკითხზე შეთანხმება, რომელიც დამაბარა ბათუმისა და აჭარის მოსახლეობამ, როდესაც ამ სხდომაზე მოვდიოდი. ერთ-ერთი პრობლემა მათთვის არის თუთუმის წარმოება, რადგან პრობლემები აქვთ საგადასახადო ბიუროკრატიასთან დაკავშირებით, აქედან გამომდინარე შევთანხმდით ამ კომიტეტის სხდომაზე, რომ უახლოეს ვადაში შევიმუშავებთ საერთო გეგმას, რათა ამ ადამიანებს მოუგვარდეს თუთუმთან დაკავშირებული პრობლემები და რაც შეიძლება ნაკლები პრობლემა ჰქონდეთ.
მეორე შეთანხმება რასაც მივაღწიეთ არის ის, რომ გზა გადათხრილია, სამუშაოები ძალიან ნელა მიმდინარეობს და საგზაო დეპარტამენტის წარმომადგენლისგან მივიღეთ პირობა, რომ სამუშაოებს დააჩქარებენ.
მესამე ძალიან მნიშვნელოვანი საკითხი ეს არის მიწის რეგისტრაციის საკითხი, რომელიც აქვს მოსახლეობას. ამაზეც ჩამოვყალიბდით, რომ აუცილებლად შევისწავლით ამ პროცესს და რაც შეიძლება მოკლე დროში დაუკანონდეს ყველას მიწა.
მნიშვნელოვანი საკითხია ასევე ისიც, რომ ტაქსის მძღოლებს აქვთ პრობლემა რაღაც კომპანიის ბაზარზე გამოჩენის რომელიც მათ ბიზნესს წაართმევს, რაზეც პირობა გასცა თორნიკე რიჟვაძემ, რომ ასეთი რამ არ მოხდება და ტაქსის მძღოლებს მიაქცევენ ყურადღებას. ამის გარდა იყო კიდევ რამდენიმე საკითხი რაზეც ვიმსჯელეთ თუმცა ყველაზე მთავარი არის ის, რომ ქვეყანას სჭირდება მეტი დეცენტრალიზაცია, მეტი თვითმმართველობა. რეგიონალური განვითარება არის ძალიან მნიშვნელოვანი და მე ვაპირებ რომ ჩავიდე ყველა რეგიონში რათა თქვენი ინტერესები იყოს დაცული“, – აცხადებს გიორგი ვაშაძე.
ინფორმაციას “სტრატეგია აღმაშენებლის” საზოგადოებასთან ურთიერთობის სამსახური ავრცელებს
