დასაქმების ხელშეწყობის სახელმწიფოს სააგენტოს დირექტორი, ნინო ბელთაური ჟურნალისტებთან კომენტარში აღნიშნავს, რომ გერმანიაში დამსაქმებლების მხრიდან შეთავაზებული კონტრაქტის შეუსრულებლობასთან დაკავშირებით არსებული ინფორმაცია ცნობილია უკვე უწყებისთვის და ამ მიმართულებით დაწესდა შესაბამისი მონიტორინგი:
“ადგილი აქვს დამსაქმებლის მხრიდან ხელშეკრულებით გათვალისწინებული პირობების არაჯეროვნად შესრულებას. ჩვენ იმ დღიდანვე ვართ კომუნიკაციში გერმანიის შრომის ფედერალურ სააგენტოსთან. ამ სამუშაო პირობების გამოსწორება კი უკვე დაწყებულია.
დამსაქმებელმა საცხოვრებელი პირობების გაუმჯობესება დაიწყო, ჩვენმა მოქალაქეებმა დაგვიდასტურეს ის, რომ დამსაქმებელმა დაიწყო საცხოვრებელი პირობების გაუმჯობესება, მან დაამატა აღჭურვილობა, შეცვალა დანადგარები, მოწყობილობები.
ჩვენ დინამიკას დავაკვირდებით, თუ დამსაქმებელი ბოლომდე, ჯეროვნად არ შეასრულებს დასაქმების ხელშეკრულებით გათვალისწინებულ საკუთარ ვალდებულებებს ჩვენს მოქალაქეებს აუცილებლად გადავანაწილებთ სხვაგან, – განაცხადა ნინო ბელთაურმა.
ავტორი
სალომე მჭედლიძე
