“მნიშვნელოვანია, რომ საარჩევნო კოდექსმა გაითვალისწინოს შტრიხკოდიანი ბიულეტენები, რომლებიც გაყალბებისგან დამცავი ძალიან სერიოზული მექანიზმია” – თამარ კორძაია

რესპუბლიკური პარტიის პოლიტიკური მდივანი, თამარ კორძაია საარჩევნო რეფორმის საკითხებზე მსჯელობის დასრულების შემდეგ, ჟურნალისტებთან კომენტარში განმარტებას აკეთებს და აღნიშნავს, რომ მნიშვნელოვანია საარჩევნო ბიულეტენის დაცულობა და საარჩევნო დავებთან დაკავშირებული პროცედურების გამარტივება:

“ცესკოს თავმჯდომარის მოადგილეები უნდა იყვნენ ოპოზიციის წარმომადგენლები, კომისიის თავჯდომარეების, რაც დიდად არ მოსწონდა “ქართულ ოცნებას”, რამდენადაც ვიცი საუბარი მიდის რამდენიმე მოადგილეზე და ამ ინსტიტუტის შემოღებაზე, მაგრამ ასევე ძალიან მნიშვნელოვანია, რომ საარჩევნო კოდექსმა გაითვალისწინოს შტრიხკოდიანი ბიულეტენები, რომლებიც გაყალბებისგან დამცავი ძალიან სერიოზული მექანიზმია და ასევე საარჩევნო დავებთან დაკავშირებული პროცედურების გამარტივება, რაც ეუთოს რეკომენდაციებში მკაფიოდ არის გაწერილი“, – განაცხადა თამარ კორძაიამ.

ავტორი
სალომე მჭედლიძე