საპარლამენტო უმრავლესობის წარმომადგენლები ოპოზიციის მიერ დაინიცირებულ ამნისტიის კანონპროექტს მიუღებლად მიიჩნევენ. პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის პირველი მოადგილე, ალუდა ღუდუშაური, აღნიშნულ საკითხზე კომენტარს აკეთებს. მისი განმარტებით ოპოზიციის მიერ დაინიცირებული კანონპროექტი ეწინააღმდეგება შარლ მიშელის დოკუმენტსა და სამართლებრივ საფუძვლებს:
“მე დიდი იმედი მაქვს, ოპოზიცია გაიაზრებს, რომ მათ მიერ დაინიცირებული ამნისტიის კანონპროექტი არის წინააღმდეგობრივი, როგორც მიშელის დოკუმენტთან, ასევე, სამართლებრივ საფუძვლებთან. ამდენად, ჩვენ მიერ დაინიცირებულ კანონპროექტს შემოუერთდებიან და იქნება მიღებული ამნისტიის ის კანონპროექტი, რომელიც ჩვენ გვაქვს დაინიცირებული“, – აცხადებს ალუდა ღუდუშაური.
ავტორი
ნატალი ბაკურაძე