ამნისტიის კანონთან დაკავშირებით წინასწარი დასკვნებისგან თავის შეკავებისკენ მოუწოდებს ოპონენტებს პოლიტიკური პლატფორმა “სტრატეგია აღმაშენებლის” თავმჯდომარე, გიორგი ვაშაძე და აცხადებს, რომ მიმდინარეობს აქტიური მუშაობა კანონპროექტზე და სამშაბათს, 27 აპრილს, ნათელი გახდება ყველაფერი:
“ამნისტიის კანონთან დაკავშირებით, გთხოვთ ყველამ შევიკავოთ თავი წინასწარი დასკვნებისგან, რადგან უამრავი მცდარი ინტერპრეტაცია ვრცელდება, რაც განსაკუთრებით ნეგატიურად მოქმედებს დაზარალებულებზე!
სამწუხაროდ ზოგიერთი მიზანმიმართულად აკეთებს ამას!
პირობას გაძლევთ სამშაბათია ბოლო ვადა, როდესაც ყველაფერი გახდება ნათელი ყველასათვის!!!
ახლა მიმდინარეობს კანონპროექტის შემუშავება და ყველაზე გვიან სამშაბათს დარეგისტრირდება.
P.S. და რაც მთავარია, ყველა თვალის ამომთხრელი მიეცემა პასუხისგებაში და დადგება დრო ყველა დავალების გამცემი დაისჯება!” – წერს გიორგი ვაშაძე ფეისბუქის საკუთარ გვერდზე.
