კულტურის მინისტრი თეა წულუკიანი, ნინუცა მაყაშვილს და ბესო ზანგურს მოუწოდებს ითანამშრომლონ გამოძიებასთან. ამასთან ბესო ზანგურს სთავაზობს დატოვოს თეატრი:
„მე მინდა ვუთხრა ნინუცა მაყაშვილს, რომ ითანამშრომლოს საგამოძიებო ორგანოებთან, ვინაიდან ეს სხვა ქალების უფლებების დაცვისთვის არის უკიდურესად მნიშვნელოვანი, თუ როგორ მოიქცევა ის ამიერიდან და დადებს თუ არა იმ ინფორმაციას რაც მას, რა თქმა უნდა აქვს, რომ სხვა მაინც გადაარჩინოს და სხვა მაინც იყოს დაცული.
ასევე ბატონ რობერტ სტურუასთან დაკავშირებით, მე პირდაპირ გეტყვით, როგორც კულტურის მინისტრი, რომ მისი განთავისუფლება არ იგეგმება.
მიმაჩნია, რომ შექმნილი მდგომარეობიდან გამომდინარე, არა მხოლოდ ერთმა მხარემ, არამედ მეორე მხარემაც უნდა ითანამშრომლოს საგამოძიებო ორგანოსთან. ამ შემთხვევაში ვგულისხმობ ბატონ ბესო ზანგურს და კარგი იქნება თუ ის დღესვე, სასწრაფოდ დატოვებს თეატრს,“ – განაცხადა თეა წულუკიანმა.
ავტორი
თეკლა თოდუა
