სოციალურ ქსელში “ქართული ოცნების” აღნასრულებელი მდივნის, პარლამენტის ფრაქცია “ქართული ოცნების” თავმჯდომარის, მამუკა მდინარაძის პოსტი გავრცელდა, სადაც იგი ადასტურებს, რომ კოვიდინფიცირებულია:
“მეგობრებო, ეს წუთია შემატყობინეს, რომ ჩემი ტესტის პასუხი “კოვიდზე” დადებითია.
ეს ამბავი მხოლოდ ერთმა შეცდომამ განაპირობა, რამდენიმე თვის განმავლობაში ასეთი არ დამიშვია…
მოკლედ, როდესაც ვინმეს ესაუბრებით, ერთი წუთითაც კი არ მოიხსნათ პირბადე, არც ერთი წუთით! ეს არის ჩემი, უკვე პირად გამოცდილებაზე დამყარებული რჩევა.
ბოლო დღეებია ირგვლივ ძალიან ბევრი შემთხვევა დაგროვდა, რისკები ძალიან გაიზარდა.
ყველას უმორჩილესად გთხოვთ, ზედმიწევნით დაიცავით რეგულაციები, ყველგან ატარეთ პირბადე, რითაც, გარდა ქვეყნის ეკონომიკისა, მინიმუმ რამდენიმე ასეულ თუ ათასობით ჩვენი მოქალაქის სიცოცხლეს გადაარჩენთ,” – წერს ფეისბუქის საკუთარ გვერდზე მამუკა მდინარაძე.