ველური ბუნების ეროვნული სააგენტო კრწანისის ტყეპარკის მობინადრე ფრინველების შესახებ საინტერესო მასალების გამოქვეყნებას აგრძელებს. ამჯერად გაიცანით წყრომი – Eurasian scops owl (Otus scops).
ბუდეს იკეთებს ხის ფუღუროში ან შენობის ხვრელში, ზოგჯერ სხვა ფრინველის მიტოვებულ ბუდეშიც. მაისში დებს 3-5 კვერცხს. საინკუბაციო პერიოდი 24 დღემდე გრძელდება. მართვეს გამოჩეკიდან 22-29 დღის შემდეგ შეუძლია ფრენა.
სხეულის სიგრძე: 19-21 სმ, ფრთების შლილი: 47-54 სმ. დამახასიათებელია სხეულის მოყავისფრო-რუხი შეფერილობა შავი ფერის ლაქებით, ყვითელი თვალები და ე.წ. „ყურები“ (წაგრძელებული ბუმბულის ორი კონა თავზე).
მისი ჰაბიტატია ტყეები, ტყეპარკები, ხეხილის ბაღები.
IUCN-ის სტატუსი:LC
კომენტარები - დატოვეთ თქვენი მოსაზრება