“ქართული ოცნების” პოლიტსაბჭოს სხდომის დასრულების შემდეგ პარტიის აღმასრულებელმა მდივანმა, მამუკა მდინარაძემ ჟურნალისტებთან ისაუბრა ქვეყანაში მიმდინარე პოლიტიკურ პროცესებზე. მდინარაძის განცხადებით, ,,ქართული ოცნება’’ თვითმმართველობის არჩევნებისთვის წინასაარჩევნო კამპანიას იწყებს და მომდევნო ორი თვის განმავლობაში თითქმის ყველა რეგიონში ქართული ოცნება მოსახლეობას შეხვდება:
,,მივიღეთ გადაწყვეტილება, რომ შემდეგი კვირიდან, მმართველი პარტიის ხელმძღვანელები, გავალთ რეგიონებში. ამას შეიძლება დავარქვათ საარჩევნო კამპანიის დაწყება თვითმმართველობის არჩევნებისთვის. პრიორიტეტული იქნება სხვა საკითხებიც, როგორიცაა რეგიონალური გამოწვევები. თითქმის ყველა რეგიონში მომდევნო ორი თვის განმავლობაში გვექნება შეხვედრები, მათ შორის, პირველ რიგში, პარტიულ აქტივთან’’, – განაცხადა მამუკა მდინარაძემ.
ავტორი
ნინო დავითაძე
