“დიდი იმედი მაქვს, რომ დასკვნა ობიქტური იქნება, რაც არ უნდა მწარე იყოს ის რეალობა, რაც შეიძლება ამ დასკვნამ დაგვანახოს” – ნინო ლომჯარია

სახალხო დამცველი ნინო ლომჯარია გარდაცვლილი ახალციხელი ექთნის, მეგი ბაქრაძის საქმესთან დაკავშირებით ობიექტური დასკვნის მოლოდინშია და აცხადებს, რომ მნიშვნელოვანია იყოს დროული და უტყუარი:

“ძალიან მნიშვნელოვანია, რომ იყოს დროული, უტყუარი და ობიექტური დასკვნები წარმოდგენილი. ეს მომავალში გადაარჩენს ძალიან ბევრი ადამიანის სიცოცხლეს.

ჩვენ უნდა ვიცოდეთ, რა მოხდა რეალურად. თუ ხარვეზები იყო პირველადი დახმარების გაწევის პროცესში, ესეც უნდა ვიცოდეთ, რომ შემდგომში დავაზღვიოთ მსგავსი რისკები.

ამიტომ, მე დიდი იმედი მაქვს, რომ დასკვნა ობიქტური იქნება, რაც არ უნდა მწარე იყოს ის რეალობა, რაც შეიძლება ამ დასკვნამ დაგვანახოს,” – განაცხადა ნინო ლომჯარიამ.