ევროკავშირთან საქართველოს მისიის ხელმძღვანელის, ბელგიის სამეფოსა და ლუქსემბურგის დიდ საჰერცოგოში საქართველოს სრულუფლებიანი ელჩის ნატალია საბანაძის მიერ თანამდებობის დატოვებას ეხმიანება პოლიტიკური პლატფორმა “სპრატეგია აღმაშენებლის” თავმჯდომარე, გიორგი ვაშაძე და სპეციალურ განცხადებას ავრცელებს. ოპოზიციონერ ლიდერს მიაჩნია რომ ეს ფაქტი და სხვა რიგი პრობლემებისა პირდაპირ აისახება ევროპასთან და ამერიკასთან ჩვენს ურთიერთობებში:
“თანამდებობა დატოვა ევროპაში საქართველოს მისიის ხემძღვანელმა და პირდაპირ შეგვიძლია ვთქვათ, რომ პოლიტიკური კრიზისი და ერთპარტიული ფასადური დემოკრატია პირდაპირ აისახება ევროპასთან და ამერიკასთან ჩვენს ურთიერთობებში.
ხელისუფლებას უნდა ესმოდეს ერთპარტიული ავტოკრატიით ვერ გახდება ევროპული თანამეგობრობის ნაწილი ეს უფრო სხვა სამყაროსკენ გაკეთებული ღია არჩევანია, რომლისგანაც თავის დაღწევას ათწლეულებია ვცდილობთ.
საქართველოს არ აქვს კრიზისის გრძელვადიანად გაგრძელების შესაძლებლობა, რადგან კრიზისში დაკარგული ყოველი დღე კიდევ უფრო მეტად გვაშორებს ჩვენი ქვეყნის ევროპულ და ევროატლანტიკურ არჩევანს“, – აცხადებს გიორგი ვაშაძე.
ინფორმაციას “სტრატეგია აღმაშენებლის” საზოგადოებასთან ურთიერთობის სამსახური ავრცელებს
