“ჩემი გადასაწყვეტი არ არის, საქართველოში უნდა ჩატარდეს თუ არა ახალი არჩევნები” – ჟოზეფ ბორელი

ევროკომისიის ვიცე-პრეზიდენტმა, საგარეო საქმეთა და უსაფრთხოების პოლიტიკის საკითხებში ევროკავშირის უმაღლესმა წარმომადგენელმა, ჟოზეფ ბორელმა საქართველოს მთავრობის მეთაურთან, ირაკლი ღარიბაშვილთან ერთად გამართულ ბრიფინგზე საქართველოში ჩატარებული არჩევნები შეაფასა და აღნიშნა, რომ ეუთოს დასკვნის მიხედვით ეს არჩევნები იყო თავისუფალი და სამართლიანი:

„ჩემი გადასაწყვეტი არ არის, საქართველოში უნდა ჩატარდეს თუ არა ახალი არჩევნები. ერთადერთი რაც შემიძლია ვთქვა, არის ის, რომ ეუთო-მ წინა არჩევნები მიიჩნია, როგორც თავისუფალი და სამართლიანი“, – განაცხადა ჟოზეფ ბორელმა.