შეფასებისა და გამოცდების ეროვნული ცენტრი ინფორმაციას ავრცელებს იმასთან დაკავშირებით, თუ რა უნდა გაითვალისწინოს აბიტურიენტმა საგანმანათლებლო პროგრამების არჩევის დროს:
აკრედიტებულია თუ არა პროგრამა (არააკრედიტებული პროგრამა არ ფინანსდება სახელმწიფო სასწავლო გრანტით);
აკრედიტაციის ვადები;
გაზრდილია თუ არა უმაღლესი საგანმანათლებლო დაწესებულების მიერ მინიმალური კომპეტენციის ზღვარი;
მითითებულია თუ არა საგანმანათლებლო პროგრამაზე სპეციალური მოთხოვნები;
უმაღლესი საგანმანათლებლო დაწესებულების მიერ საგანმანათლებლო პროგრამაზე ჩასაბარებელი გამოცდისათვის მინიჭებული კოეფიციენტი (კოეფიციენტების მინიჭებით უმაღლესი საგანმანათლებლო დაწესებულება განსაზღვრავს საგანმანათლებლო პროგრამისათვის მეტად თუ ნაკლებად პრიორიტეტულ საგამოცდო საგნებს, საკონკურსო ქულები სწორედ კოეფიციენტების მიხედვით დაითვლება);
საგანმანათლებლო პროგრამაზე არსებული ადგილების რაოდენობა;
საგანმანათლებლო პროგრამის სწავლის საფასური;
თუ რომელ ქალაქში მიმდინარეობს სწავლა ამ საგანმანათლებლო პროგრამის მიხედვით.
შეფასებისა და გამოცდების ეროვნული ცენტრი გისურვებთ წარმატებას!