ნამახვანჰესთან დაკავშირებით საზოგადოებაში გაჩენილ ვნებათაღელვას და საპროტესტო აქციის მონაწილეების მოთხოვნებს ეხმიანება ეკონომიკისა და მდგრადი განვითარების მინისტრი. ნათია თურნავას მიაჩნია, რომ საუბრებმა ქუჩიდან სამუშაო გარემოში უნდა გადაინაცვლოს, რისთვისაც მზადყოფნას გამოხატავს:
“ერთმანეთისგან უნდა გავმიჯნოთ ორი რამ – ერთი არის დიალოგის სურვილი იმისთვის, რომ პროექტი უკეთესი გახდეს და ბევრი წუხილი, რაც არის, იყოს გათვალისწინებული და ამას ყოველთვის მივესალმებით. მეორე ნაწილი არის, რომ პროექტი არ გვინდა იმიტომ, რომ საერთოდ ჰესები არ გვინდა.
ამ მსჯელობაში, რა თქმა უნდა, ვერ შემოვყვებით, თუმცა მზად ვართ, რომ ავხსნათ რამდენად დამაზიანებელია ქართული ეროვნული ინტერესებისთვის საკუთარი ენერგორესურსების არგანვითარება და იმპორტზე მზარდი დამოკიდებულება.
ასევე მინდა გამოვთქვა სურვილი, რომ ქუჩიდან სულ მალე ეს საუბრები გადაინაცვლებს, უფრო სრულყოფილად სამუშაო, ფორმატებში,” – აცხადებს ეკონომიკის მინისტრი ნათია თურნავა.
