“ვაქცინის პირველი დოზები საქართველოში უკვე ჩამოვიდა” – ირაკლი ღარიბაშვილი

საქართველოს პრემიერ-მინისტრი სოციალურ ქსელში ინფორმაციას ავრცელებს საქართველოში „ასტრაზენეკას“ ვაქცინის 43 200 დოზის შემოტანასთან დაკავშირებით:

“ვაქცინის პირველი დოზები საქართველოში უკვე ჩამოვიდა. პირველ ეტაპზე ჩვენ მივიღეთ „ასტრაზენეკას“ ვაქცინის 43 200 დოზა, რითაც სამედიცინო პერსონალის ვაქცინაცია დაიწყება.

გრძელდება მოლაპარაკებები ჩვენს მეგობარ ქვეყნებთან და სხვადასხვა მწარმოებლებთან. უახლოეს მომავალში, ვაქცინის შემდეგი დოზების მიღებისთანავე, გაგრძელდება მოსახლეობის სხვადასხვა ჯგუფების ვაქცინაცია“, – წერს ირაკლი ღარიბაშვილი ფეისბუქის საკუთარ გვერდზე.