პარლამენტის განათლების კომიტეტის თავმჯდომარე, თეა წულუკიანი მოლაპარაკებებთან დაკავშირებით პოზიციის დაფიქსირებისას აცხადებს, რომ დიალოგისთვის “ქართულ ოცნებას” კარი ღია აქვს. პლებისციტთან დაკავშირებით დასმულ შეკითხვაზე კი უმრავლესობის წევრი პასუხობს, რომ ეს არაა ჟურნალისტებთან მოლაპარაკების თემა და ამ საკითხზე შესაბამისმა პირებმა უნდა იმსჯელონ:
“მე რომ ახლა გითხრათ, რომ პლებისციტს ვემხრობი, რიგგარეშე არჩევნები მგონია წითელი ხაზია და არ უნდა ჩატარდეს, ეს იქნება, რომ მე და თქვენ ვაწარმოებთ მოლაპარაკებას და არც თქვენ ხართ შარლ მიშელი და არც მე ვარ არჩილ თალაკვაძე. ამიტომ დაველოდოთ რეალური დიალოგი როდის შედგება.
მნიშვნელოვანია, რომ ყველა სიტყვას ჰქონდეს თავისი სწორი მნიშვნელობა, მე მაგალითად, ვერ ვხვდები ვის უნდა შევურიგდე და რაზე უნდა შევურიგდე, მაგრამ ის, რომ დიალოგი უნდა შედგეს, ამას მეც ვიზიარებ და ეს დიალოგის კარი “ქართულმა ოცნებამ” რომ გააღო ფართოდ, ეს კარი კვლავ ღიაა,” – განაცხადა თეა წულუკიანმა.
