,,ევროპული საქართველოს” ლიდერმა გიგი უგულავამ განაცხადა, რომ ცვლილებები შევა ოპოზიციის სამოქმედო გეგმაში. ოპოზიციონერმა ლიდერმა აღნიშნა, რომ ხელოვნურად იყო დაგეგმილი პოლიციის მიერ აქტივისტებს დაკავება:
,,რეალურად დაიწყება დიალოგი. ბუნებრივია, ჩვენ კორექტივებს შევიტანთ ჩვენს სამოქმედო სტრატეგიაში, მაგრამ ჯერჯერობით, როგორც გითხარით, არანაირი ცვლილება არ არის.
აქციები იქნება მაქსიმალურად თავშეკავებული. მეტსაც გეტყვით – მე დღეს შთაბეჭდილება შემექმნა, რომ პოლიცია, აქტივისტებს პირი არ ჰქონდა გაღებული, მანამდე აკავებდა. ვფიქრობ, ეს ხელოვნურად გააკეთეს, რომ მერე ღარიბაშვილს კვლავ გინების და ფურთხების ტირადა გაეკეთებინა.
ეს ძალიან სამწუხაროა. იმიტომ, რომ გუშინ სხვანაირი რიტორიკა ჰქონდა, დღეს სხვანაირი და ნუ შევქმნით იმის ილუზიას, რომ ვინმე შეიძლება მოატყუოს. არც ჩვენი ქვეყანაა ჩალით დახურული და არც მსოფლიო“, – გიგი უგულავა.
ავტორი
ნინი ხიჯაკაძე
