ხელისუფლების მხრიდან “ორმაგ სტანდარტზე” საუბრობს პოლიტიკური პლატფორმა “სტრატეგია აღმაშენებლის” ერთ-ერთი ლიდერი სერგო ჩიხლაძე და მმართველი პარტიის მისამართით შეკითხვას სვამს, თუ რატომ არ ვრცელდება კომენდატის საათი ოცნების ლიდერებზე, მათი ოჯახის წევრებზე და მათ მეგობარ ბიზნესმენებზე:
“კომენდანტის საათის ერთადერთი “გაპრავება” მთავრობიდან იყო ის, რომ გვიან ღამით საქეიფოდ ივლის ხალხიო. ოცნების ლიდერებზე, მათი ოჯახის წევრებზე და მათ მეგობარ ბიზნესმენებზე ეს არ ვრცელდება?!
ხალხმრავალი ღრეობა ოცნების დეპუტატის ვილაში, გუშინ რაც ვნახეთ, მათთვის მოსულა და “უბრალო მოკვდავებისთვის” არა?! ან რა გექეიფება, თან 23 თებერვალს ამ კრიზისის და დაპირისპირების ფონზე?!
იმავე 23 თებერვალს, ოპოზიციის წარმომადგენლები ფასილიტატორ ელჩებს ვხვდებოდით საღამოს. უცნობი იყო ზუსტად როდის დამთავრდებოდა შეხვედრა. საშვის დაშვებაზე სისხლი გაგვიშრეს! ნახევარ საათიან საშვს მოგცემთ ან 21.00 დან 21.30 მდე, ან 22.00 დან 22.30 მდეო. დიდი ჩხუბის და ვაჭრობის მერე ერთსაათიანი მოგვცეს 21.00 დან 22.00 მდე. არც საქეიფოდ ვითხოვდით არც გასართობად. საქმისთვის და მოლაპარაკებისთვის.
აი ეს არის ორი პარალელური რეალობა!
და ოცნების მუშკეტერებმა რაო? არ თქვეს რამე მშობლიური პარტიის და ლიდერების დასაცავად? ეტყობა ჯერ ვაქცინა რომ ვერ შემოიტანეს მაგის “გაპრავებას” და სქემების დალაგებას უნდებიან,” – წერს სერგო ჩიხლაძე ფეისბუქის პირად გვერდზე.