,,ნაციონალური მოძრაობის” თავმჯდომარის ნიკა მელიას ადვოკატმა, გიორგი კონდახაშვილმა განაცხადა, რომ საქმე არის პოლიტიკურ სამართლებრივი შემადგენლობის და რა გადაწყვეტილებაც არ უნდა მიიღოს სასამართლომ, ეს იქნება პოლიტიკური გადაწყვეტილება და იგი არ მიიღება სასამართლოში. ადვოკატი დარწმუნებულია, რომ ეს ბრძოლა ნიკა მელიას გამარჯვებით დასრულდება:
,,სისხლის სამართლის საქმე ამ ქვეყანაში ხელისუფლების მიერ გამოყენებულია, როგორც ინსტრუმენტი. სამწუხაროდ, ამ საქმეზე არავითარი გადაწყვეტილება სასამართლოში არ მიიღება.
ჩვენ, მოგეხსენებათ ველოდებით სააპელაციო სასამართლოს გადაწყვეტილებას დასაშვებლობასთან დაკავშირებით, ჩვენი საჩივრის. თუმცა, ეს იქნება პოლიტიკური გადაწყვეტილება, როგორც დასაშვებლობის კუთხით, ასევე დაუშვებლობის თვალსაზრისით.
ეს საქმე არის პოლიტიკურ სამართლებრივი შემადგენლობის. ამ საქმეზე იქნება მიღებული გადაწყვეტილებები და ეს გადაწყვეტილებები, რაც არ უნდა სამართლებრივი საფუძველზე და მტკიცებულებებზე ვისაუბროთ ახლა, საბოლოო ჯამში იქნება ნიკა მელიას გათავისუფლებით და აი ამ ბრძოლის დასასრულით, ვადამდელი საპარლამენტო არჩევნების დანიშვნით. აი ეს არის მისი პოზიცია.
სამომავლო ნაბიჯები არის ის, რომ ეს ბრძოლა მთავრდება გამარჯვებით და ეს ბრძოლა ნიკა მელიას უპირობო გამარჯვებით, რომელიც ვერც დაპატიმრებით და ვერც დაკავებით ვერანაირად ვერ შეჩერდება. კიდევ ერთხელ აღვნიშნავ, რომ მისი მოწოდებაა ბრძოლა ბოლომდე“, – განაცხადა გიორგი კონდახაშვილმა.
ავტორი
ნინი ხიჯაკაძე
