კონსტიტუციონალისტი ვახუშტი მენაბდე პრემიერ-მინისტრ გიორგი გახარიას გადადგომასთან დაკავშირებით განმარტებებს აკეთებს იმასთან დაკავშირებით, თუ რა პროცედურებს ითვალისწინებს კონსტიტუცია ამ შემთხვევაში და ასევე აზუსტებს ცლკეულ დეტალებს რიგგარეშე არჩევნებთან დაკავშირებით:
“პრემიერი გადადგა. ამის შემდეგ რას პროცედურებს ითვალისწინებს კონსტიტუცია:
1. პრემიერ-მინისტრს უფლებამოსილება უწყდება გადადგომისთანავე (მოვალეობას ასრულებს ვიცე-პრემიერი). დანარჩენი მთავრობა განაგრძობს მუშაობას ახალი მთავრობის ფორმირებამდე;
2. პარლამენტს პრემიერ-მინისტრის გადადგომიდან 2 კვირიანი ვადა აქვს მმართველი პარტიის მიერ დასახელებული კაბინეტის დასამტკიცებლად. ნდობისთვის საჭიროა 76 ხმა;
3. თუ ამ ვადაში ნდობისთვის საჭირო ხმების მობილიზება ვერ მოხერდა პარლამენტს კონსტიტუცია დამატებით 2 კვირიან ვადას აძლევს კაბინეტის შემადგენლობაზე მოლაპარაკებებისთვის.
3. თუ პარლამენტმა ამ 4 კვირაში მთავრობა ვერ დაამტკიცა, პრეზიდენტი ვალდებულია 1 კვირის ვადაში დაითხოვოს პარლამენტი და დანიშნოს რიგგარეშე არჩევნები.
რახან რიგგარეშე არჩევნებზე დაწყო საუბარი, რამდენიმე დეტალს დავაზუსტებ, რაც ბევრ თქვენგანს აინტერესებს:
1. კონსტიტუციის არსებული რედაქციით რიგგარეშე არჩევნები ჩატარდება 120/30 (ჩაკეტით) სისტემით 1%-იანი ბარიერით;
2. რიგგარეშე არჩევნები ჩატარდება მინიმუმ 24 აპრილს მაქსიმუმ 25 მაისს (სიჩქარეში შეიძლება 1-2 დღე უზუსტობა მქონდეს);
3. სანამ რიგგარეშე არჩევნების შედეგად გამარჯვებული პოლიტიკური ერთობა ახალ მთავრობას დაამტკიცებს, მანამდე მოვალებას არსებული კაბინეტი შეასრულებს.
დათქმა: რიგგარეშე არჩევნები ჩატარდება მხოლოდ იმ შემთხვევაში თუ პარლამენტმა ახალი პრემიერი ვერ დაამტკიცა,” – წერს ფეისბუქის პირად გვერდზე ვახუშტი მენაბდე.