საქართველოს გენერალური პროკურატურის მიმართვის საფუძველზე, საქართველოს პარლამენტმა დღევანდელ სხდომაზე განიხილა საკითხი “ერთიანი ნაციონალური მოძრაობის” თავმჯდომარისთვის იმუნიტეტის შეჩერების თაობაზე, რასაც პარლამენტის უმრავლესობამ დაუჭირა მხარი. 88 – მომხრე, 2 – წინააღმდეგი.
ნიკა მელიასთვის იმუნიტეტის შეჩერების შემდეგ, სამართლებრივი პროცედურის შესაბამისად, საქართველოს გენერალური პროკურატურა სასამართლოს მიმართავს და როგორც უწყებამ უკვე დაანონსა, მეორედ დაკისრებული გირაოს გადაუხდელობის გამო ნაციონალური მოძრაობის ლიდერის დაკავების მოთხოვნას დააყენებს.
