საგანგებო სიტუაციების მართვის სამსახური ემოციურ კადრებს ავრცელებს ზუგდიდში მომხდარი შემთხვევის თაობაზე, რა დროსაც ორსართულიანი შენობის ნგრევის შედეგად ნანგრევებში მოყვა არასრულწლოვანი, რომელიც მაშველების პროფესიონალიზმის შედეგად გადარჩენილი იქნა:
“შინაგან საქმეთა სამინისტროს საზოგადოებრივი უსაფრთხოების მართვის ცენტრ “112”-ში შემოვიდა ინფორმაცია ზუგდიდში, თამარ მეფის ქუჩაზე ორსართულიანი შენობის ნგრევის შესახებ. ინიციატორის გადმოცემით, ნანგრევებში მოყოლილი იყო არასრულწლოვანი.
საგანგებო სიტუაციების მართვის სამსახურის თანამშრომლები ადგილზე დროულად გამოცხადდნენ და დაიწყეს სამაშველო ოპერაცია. მაშველებმა ბავშვის სავარაუდო ადგილსამყოფელი ნანგრევებისგან უმოკლეს დროში გაათავისუფლეს და 10 წლის გოგონა უსაფრთხო ადგილას გამოიყვანეს.
არასრულწლოვანი იმყოფებოდა კონტაქტურ მდგომარეობაში. სასწრაფო სამედიცინო დახმარების ჯგუფის მიერ ის გადაყვანილია კლინიკაში, სადაც უტარდება შესაბამისი დახმარება”, – ნათქვამია სამსახურის მიერ გავრცელებულ განცხადებაში.
