1 თებერვლიდან საქართველოს მოქალაქეებთან მიმართებაში შეზღუდვების შემსუბუქებასა და ახალი რეგულაციების შემოღების თაობაზე ისაუბრა დღეს გამართულ ბრიფინგზე ეკონომიკისა და მდგრადი განვითარების მინისტრმა, ნათია თურნავამ:
“მოგეხსენებათ, რომ დღემდე მოქმედებს ქვეყანაში საქართველოს მოქალაქეების შემოსვლის შემდეგი წესი, რომ ისი შემოდიან ან ნეგატიური ტესტით და ისინი 8 დღიან თვითიზოლაციაში გადადიან, ან იმ შემთხვევაში, თუ მათ ქვეყანაში შემოსვლისას არ აქვთ PCR-ტესტი წარდგენილი 12 დღიან თვითიზოლაციას ექვემდებარებიან და ჩვენ ამ პროცესს ვაკონტროლებთ.
1 თებერვლიდან, რეგულარული ფრენების აღდგენასთან ერთად, საქართველოს მოქალაქეებისთვის ხდება შეზღუდვების გარკვეული შემსუბუქება, კერძოდ მათ ექნებათ არჩევანის უფლება – შემოვიდნენ ქვეყანაში ნეგატიური PCR-ით ან ძველებურად 8-დღიან თვითიზოლაციაში გადაინაცვლონ ან თვითიზოლაციის ნაცვლად მე-3 დღეს, საკუთარი ხარჯით, კიდევ ერთი PCR-ტესტი ჩაიტარონ და ამ შემთხვევაში თავისუფლები არიან თვითიზოლაციიდან. ხოლო საქართველოს იმ მოქალაქეებისათვის, რომლებსაც შემოსვლისას არ ექნებათ ნეგატიური PCR-ტესტი, 12-დღიანი თვითიზოლაციის ნაცვლად 8-დღიანი თვითიზოლაცია წესდება, რაც არის ევროპის სტანდარტი,” – აცხადებს ნათია თურნავა.