ე.წ. “კარტოგრაფების საქმეზე” დაკავებულებისთვის აღკვეთი ღონისძიების შეცვლას და მათი საპატიმროდან გამოშვებას ეხმიანება პარტია “მოქალაქეების” თავმჯდომარე ალექსანდრე ელისაშვილი:
“ვულოცავ ნატალია ილიჩოვას და ივერი მელაშვილის ოჯახის წევრებს და პირადად მათ გათავისუფლებას! ძალიან, ძალიან გახარებული ვარ!
საძაგლობაა როდესაც სახელმწიფო ტყუილ უბრალოდ აპატიმრებს ადამიანებს, მაგრამ კარგია რომ “ქართული ოცნება” გონს მოეგო და ისინი გაათავისუფლა. სრული პასუხისმგებლობით ვამბობ რომ ეს გათავისუფლება არის მოლაპარაკების შედეგი!
დიახაც, მოლაპარაკებამ გამოიღო შედეგი და ეს არის კარგი. ეს არის ნაბიჯი მოლაპარაკების გაგრძელებისთვის და მხარეებს შორის ნდობის აღდგენისთვის! იშვიათად ვყოფილვარ დღევანდელივით გახარებული!” – წერს ფეისბუქის საკუთარ გვერდზე ალექსანდრე ელისაშვილი.
კომენტარები - დატოვეთ თქვენი მოსაზრება
