ტელეკომპანია “მთავარი არხის” ეთერში გადაცემა “პოსტ ფაქტუმში”, წამყვანის, გიორგი გაბუნიას მიერ, დედისადმი მიძღვნილი მონოლოგისას, საზოგადოებრივი არხის მისამართით გამოთქმულ გულისტკივილს ეხმიანება პირველი არხის გენერალური დირექტორი თინათინ ბერძენიშვილი და ქართულ ტელევიზიაში ჯულიეტა ვაშაყმაძის უნიკალურ და ისტორიულ როლთან ერთად, ასევე აღნიშნავს, რომ პირველმა არხმა გარდაცვალების დღიდან მთელი კვირა არაერთი რეპორტაჟი, გადაცემა, თუ გახსენება მიუძღვნა ლეგენდარულ ტელეწამყვანს:
“ვწუხვარ, რომ მიწევს დაწერა ამ ფორმით, ქალბატონი ჯულიეტას როლი და დამსახურება მართლაც უნიკალური და ისტორიულია, ის ლეგენდა იყო.
პირველმა არხმა გარდაცვალების დღიდან მთელი კვირა მას არაერთი რეპორტაჟი, გადაცემა, თუ გახსენება მიუძღვნა. უამრავი თანამშრომელი იყო, ყოფილი თუ ახლანდელიც, ყვავილებით ან სულაც მათ გარეშე მასთან გამოსამშვიდობებლად.
პატივის მიგება ის ვარსკვლავია, რომელიც მას სიცოცხლეშივე მთაწმინდაზე გავუხსენით და მემორიალი, რომელიც ახლაც დგას ტელევიზიის ფოიეში, რომელსაც მისი გარდაცვალების დღესაც ყვავილები ამშვენებდა.
თუ ვინმე არის საქართველოს ტელევიზიის და არა მხოლოდ პირველი არხის ნამდვილი ვარსკვლავი, ეს ჯულიეტა ვაშაყმაძეა“, – წერს სოციალური ქსელის კომენტარებში თინათინ ბერძენიშვილი.
