ვაქცინაციასთან დაკავშირებით გავრცელებულ ცალკეულ ინფორმაციებს ეხმიანება რეფერალური დახმარების ცენტრის ექიმი არჩილ მარშანია და კონკრეტულ ფაქტებზე დაყრდნობით ამტკიცებს, რომ ისრაელში ვაქცინაციის არაეფექტურობის თაობაზე გავრცელებული ინფორმაცია არის მხოლოდ რიცხვების მანიპულაცია და დეზინფორმაცია:
“ვრცელდება ინფორმაცია რომ ვაქცინაციის პროგრამაში ერთ-ერთ ყველაზე წარმატებულ ქვეყანაში, ისრაელში ვაქცინა ‘’არ მუშაობს’’ მიუხედავად იმისა, რომ აცრილია მოსახლეობის 20%.
ამის არგუმენტად კი მოჰყავთ ის, რომ ისრაელს 11 იანვარს ჰქონდა 9000-ზე მეტი დღიური ინფიცირების შემთხვევა, რაც ერთ-ერთი მაღალი მაჩვენებელია პანდემიის დროს.
👉 რა ხდება სინამდვილეში:
✅ ფაიზერის ვაქცინის (რომელსაც ისრაელი იყენებს), კვლევებში მთავარი დაკვირვების საგანი იყო დადასტურებული კოვიდ19-ის შემთხვევების დათვლა, მეორე(!) დოზიდან მინიმუმ 7 დღის შემდეგ, მიუხედავად იმისა, რომ ჯერ გადაუდებელი ავტორიზაცია აქვს ვაქცინას, კუმულაციური ინციდენტობის რეგისტრირება, ცალსახად აჩვენებდა ვაქცინის ჯგუფის უპირატესობას, პლაცებოს ჯგუფთან (ვაქცინირებულების ჯგუფში დაფიქსირდა მხოლოდ 8 კოვიდ19-ის შემთხვევა, ხოლო პლაცებოს ჯგუფში კი 162).
ერთ-ერთი ყველაზე მნიშვნელოვანი, რაც ამ კვლევებიდან გახდა ცნობილი, არის ის, რომ ვაქცინა უსაფრთხოა და ის მწვავედ განვითარებული კოვიდ19-სგან იცავს:
კვლევისას დაფიქსირებული 10 მწვავე შემთხვევიდან მხოლოდ 1 იყო ვაქცინის ჯგუფში, დანარჩენი კი პლაცებოს ჯგუფში.
აქვე გასათვალისწინებელია რომ ვაქცინის ჯგუფში დაფიქსირებული შემთხვევა, ‘’მწვავეში’’ დარეგისტრირდა მხოლოდ იმიტომ, რომ ჰქონდა სატურაციის დაწევა 93%მდე, მას ჰოსპიტალიზაცია და სამედიცინო ჩარევაც არ დასჭირვებია. ();
✅ ისრაელში აქტიური შემთხვევების 99% არის მსუბუქი ან ასიმპტომური ();
✅ვაქცინაცია ისრაელში დაიწყო და ამჟამად მიწოდებულია ვაქცინის 1 910 000 დოზა*.
აქედან 1 817 000 არის პირველი დოზა, მეორე დოზის მიწოდება დაიწყო 10 იანვარს.
ანუ მოსახლეობის 20% კი არ არის აცრილი, მოსახლეობის 20%-ს გაუკეთდა ვაქცინის პირველი დოზა (, );
✅ კოვიდისთვის ზუსტი პროცენტის დასახელება რთულია თუმცა ე.წ. ჯოგური იმუნიტეტისთვის საჭიროა მოსახლეობის დაახლოებით 70% დან 95%მდე იმუნიზაცია (, https://mayocl.in/3bv5TBM);
✅ ვაქცინაცია პირველ რიგში უტარდებათ სამედიცინო პერსონალს, მომვლელებს და რისკ-ჯგუფებს და არა ზოგადად მოსახლეობას.
ინფექცია კი ძირითადად ვრცელდება ზოგადად მოსახლეობაში.
📌 დასკვნა:
არსებული ინფორმაცია არის სტატისტიკის მშრალი რიცხვებით მანიპულაცია და დეზინფორმაციის გავრცელება.
ჯანმრთელობას გისურვებთ,” – წერს ფეისბუქის პირად გვერდზე არჩილ მარშანია.