სტატისტიკის ეროვნული სამსახური ინფორმაციას ავრცელებს ქვეყანაში 2020 წლის განმავლობაში განხორციელებული საგარეო ბრუნვის შესახებ (ექსპრეს მონაცემები), რომლის მიხედვითაც იგი საგრძნობლად შემცირებულია და წინა წლის შესაბამის მაჩვენებელზე 14.8%-ით ნაკლებია:
“2020 წელს საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 11 347.7 მლნ. აშშ დოლარი შეადგინა, რაც წინა წლის შესაბამის მაჩვენებელზე 14.8 პროცენტით ნაკლებია.
აქედან, ექსპორტი 3 342.1 მლნ. აშშ დოლარი იყო (12.0 პროცენტით ნაკლები), ხოლო იმპორტი 8 005.6 მლნ. აშშ დოლარი (15.9 პროცენტით ნაკლები).
უარყოფითმა სავაჭრო ბალანსმა 2020 წელს 4 663.4 მლნ. აშშ დოლარი და საგარეო სავაჭრო ბრუნვის 41.1 პროცენტი შეადგინა,” – ნათქვამია გავრცელებულ ინფორმაციაში.