შალვა ნათელაშვილის განცხადება/მიმართვას ევროპის ლიდერებისადმი, ეხმიანება “სტრატეგია აღმაშენებლის” ერთ-ერთი ლიდერი სერგო ჩიხლაძე და აღნიშნავს, რომ პოლიტიკურმა პარტიამ რაიმე სახის პრეტენზია კი არ უნდა წაუყენოს ევროპას და ევროკავშირს, არამედ ჩვენ უნდა გავარკვიოთ, ქვეყნის შიგნით, ყველა საკითხი:
“არ მგონია, რომ საქართველოს პოლიტიკური სპექტრიდან რაიმე სახის პრეტენზია უნდა წაუყენოს ვინმემ ევროპას და ევროკავშირს. მით უმეტეს, ელჩების გაწვევა-არგაწვევას – ამას არცერთი პოლიტიკური პარტია, საქართველოში, არ წყვეტს.
რაც შეეხება არჩევნების არცნობას, ეს ჩვენს უცხოელ პარტნიორებს კი არ უნდა ვთხოვოთ ცნობა-არცნობა, ეს არის ჩვენი შიდა საკითხი, ქვეყნის შიდა საკითხი და ეს უნდა გავარკვიოთ ჩვენ ქვეყნის შიგნით. ზუსტად ამიტომ არის მოლაპარაკებები, ამიტომ გვინდა ოპოზიციას პოლიტიკური შეთანხმება ხელისუფლებასთან, რომ კრიზისიდან გამოვიდეთ და დავიწყოთ ნორმალური პოლიტიკური ცხოვრება,” – აცხადებს სერგო ჩიხლაძე.
