“ქართული ოცნების” აღმასრულებელი მდივანი, პარლამენტის უმრავლესობის ლიდერი ირაკლი კობახიძე, მოლაპარაკებების მე-5 რაუნდის წინ, ისევ ხელისუფლების მხრიდან უცვლელ პოზიციაზე საუბრობს ვადამდელ არჩევნებთან დაკავშირებით:
“მოლაპარაკებების განმავლობაში, წინადადებები პრაქტიკულად მოდიოდა მხოლოდ ჩვენგან. იქედან, რადიკალური ოპოზიციის მხრიდან, მოდიოდა ულტიმატუმები.
წინადადებები დავაყენეთ მხოლოდ და მხოლოდ ჩვენ და მზად ვართ, რა თქმა უნდა, გავაგრძელოთ მსჯელობა ამ წინადადებებთან დაკავშირებით. მათ შორის, საუბარი იყო ფუნდამენტურ რეფორმაზე, რაც არის ძალიან მნიშვნელოვანი და ბუნებრივია, ეს უნდა იყოს განხილვის საგანი.
არჩევნები არც გაზაფხულზე, არც შემოდგომაზე, არც იმის შემდეგ გაზაფხულზე და შემოდგომაზე და ა.შ., 2024 წლის შემოდგომაზე იქნება რიგიანი არჩევნები,“ – აცხადებს ირაკლი კობახიძე.