“ეკონომიკური უკუსვლა იწვევს ლარის გაუფასურებასაც, ტარიფების ზრდასაც და ზოგადად ცხოვრების გაძვირებასაც, რაც მთავრობის პასუხისმგებლობაა” – გიგი უგულავა

,,ევროპული საქართველოს” გენერალური მდივანი, გიგი უგულავა, სოციალურ ქსელში წერს, რომ კომუნალური გადასახადები ძვირდება, ბიძინა ივანიშვილი კი კვლავ პირობას იძლევა დასუბსიდირების შესახებ. ოპოზიციონერი ლიდერი, ასევე აღნიშვნავს, რომ სწორედ ეკონომიკური უკუსვლა იწვევს ლარის გაუფასურებას და გამოსავალი მხოლოდ ხელისუფლების შეცვლაშია:

,,დენი, წყალი, გაზი ძვირდება! ივანიშვილი კი სუბსიდირებას გვპირდება – ვერ იგრძნობთო გვაბოლებენ!

1. ტარიფებს ვალით ასუბსიდირებენ, ანუ ტარიფიც ძვირი რჩება და პლუს, ვალი გვეტენება, რომელიც ყველას გადასახდელია;

2. ტარიფის გაძვირება მაინც აძვირებს ცხოვრებას – ყველა ტიპის პროდუქტს ადგილობრივსაც და პირველადი მოხმარებისასაც. აქ სუბსიდია არ შველის და არც ვრცელდება;

3. სუბსიდირებით მოტყუების მაგალითები გვაქვს – გაზაფხულზე 10 პროდუქტი დაასაუბსიდირეს, მიუხედავად ამისა პური და ყველაფერი მაინც ძვირდა.

ეკონომიკური უკუსვლა იწვევს ლარის გაუფასურებასაც, ტარიფების ზრდასაც და ზოგადად ცხოვრების გაძვირებასაც, რაც მთავრობის პასუხისმგებლობაა.

გამოსავალი მთავრობის შეცვლა, გადასახდების შემცირება და ეკონომიკის დერეგულირებაა, რაც ბიზნესის დახმარების ერთადერთი სწორი გზაა და აჩერებს გაძვირებას“, – წერს ფაისბუქის პირად გვერდზე გიგი უგულავა.

ავტორი
ნინი ხიჯაკაძე