“ყველაზე უფრო მაშინებს ახალი წელი, როცა ჩვენი ბევრი თანამოქალაქე ძველებურად შეეცდება შეხვდეს ახალ წელს და მოინახულოს თავისი ახლობლები” – პაატა იმნაძე

დაავადებათა კონტროლისა და საზოგადოებრივი ჯანდაცვის ცენტრის დირექტორის მოადგილე, პაატა იმნაძე მთავრობის ადმინისტრაციაში გამართულ ბრიფინგზე შეფასებას ახდენს სავაჭრო ცენტრებში რეგულაციებისა და წესების დაცვასთან მიმართებაში, ასევე ყურადღებას ამახვილებს მოახლოებულ საახალწლო დღესასწაულებზე და საზოგადოებას მეტი სიფრთხილის გამოჩენისკენ მოუწოდებს:

“ამ დეეისათვის, რაც გვაქვს ინფორმაცია, ყველგან, განსაკუთრებით დიდ მოლებში, წესები კარგადაა დაცულია, დისტანცია, ნიღაბი, აქედან გამომდინარე, განსაკუთრებულ გართულებას არ ველოდებით. შეზღუდვებმა თავისი საქმე გააკეთა, ამას ჩვენი შეფასებაც არ სჭირდება, ყველა ხედავს.

მე ყველაზე უფრო მაშინებს ახალი წელი, როცა ჩვენი ბევრი თანამოქალაქე ძველებურად შეეცდება შეხვდეს ახალ წელს და მოინახულოს თავისი ახლობლები, ეს მაშინებს ყველაზე უფრო მეტად. შესაბამისად 10 იანვრიდან 20 იანვრამდე შეიძლება, რომ შემთხვევების რაოდენობამ მოიმატოს“, – განაცხადა პაატა იმნაძემ.