კორონავირუსის დაავადების შემდგომი გართულებების შედეგად, 73 წლის ასაკში, გარდაიცვალა პოლიტიკური პლატფორმა “სტრატეგია აღმაშენებლის” თავმჯდომარის გიორგი ვაშაძის მამა – გუტა ვაშაძე.
გუტა ვაშაძე პროფესიით ექიმი იყო. კორონავირუსით დაავადების შემდეგ მკურნალობას თბილისის პირველ საუნივერსისტეტო კლინიკაში გადიოდა.
დავით ვაშაძემ, გიორგი ვაშაძის ძმამ, ძალზე ემოციური პოსტი გამოაქვეყნა სოციალურ ქსელში მამის გარდაცვალებასთან დაკავშირებით:
“კოვიდინფიცირებულები უნდა მივიღო ჩემს კლინიკაშიო, ძალიან უჭირსო ხალხს, ისე მივიღეთ მარტივად მე, დედამ, გიორგიმ. მამა რომ გადაწყვეტილებას მიიღებდა ვერ გადაათქმევინებდი…
მამა, შენ ხო ფრთხილად იქნები, იქნებ არ იარო სამსახურში და ისე მართო თქო ვუთხარით, რას ამბობ უსაფრთხოდ ვარო, მერე გავიგეთ ყველა რისკის ქვეშ მყოფი თანამშრომელი სახლში გაუშვია, თვითონ უშიშრად დადიოდა ყოველდღე სამსახურში…
მერე მითხრა ალბათ კოვიდი მაქვს, ასე არ ჯობია ბარემ მოვიხდი და მშვიდად ვიქნებიო… აქაც დავუჯერეთ, მერე თითქმის ერთი თვე გავიდა ცვალებადი მოლოდინებით და დღეს დასრულდა…
არ ვიცი ამას რომ ვწერ თითქოს სიზმარია…
ძლიერი ზურგი გამომეცალა, ძლიერი ადამიანი, 37 წლის კაცი ჯერ კიდევ ბავშვი ვიყავი, დასრულდა ბავშვობა, მე მამა აღარ მყავს…“, – წერს დავით ვაშაძე ფეისბუქის პირად გვერდზე.
