ხელისუფლებასა და ოპოზიციას შორის მოლაპარაკების მორიგ მე-5 რაუნდის წინ კონკრეტულ შეფასებებს აკეთებს “სტრატეგია აღმაშენებლის” ლიდერი გიორგი ვაშაძე და კრიტიკულ პოზიციას აფიქსირებს ირაკლი კობახიძის კონკრეტულ განცხადებებთან დაკავშირებით:
“მოლაპარაკებების მე-5 რაუნდთან დაკავშირებით ველოდებით დიპლომატებისგან შეხმიანებას, როდის გაიმართება. ვფიქრობ, დღეს ძალიან დაამძიმა ფონი ბატონი კობახიძის განცხადებამ, იმ საკითხთან დაკავშირებით, რაზეც ხანგრძლივი მსჯელობა გვქონდა. იყო მის განცხადებაში რაღაც შემოთავაზებები გადათვლებთან და სხვადასხვა პროცედურასთან დაკავშირებით, კერძოდ ის, რომ რიგგარეშე არჩევნების დანიშვნა მოხდება, თუკი საგამოძიებო კომისია ერთ პროცენტიან ცდომილებას მაინც დააფიქსირებდა “ქართული ოცნების” სასარგებლოდ. ამაზე საერთოდ რომ გვემსჯელა, იმდენი სხვა საკითხი იყო მის განცხადებაში წამოწეული, რომ ვერ მივედით შემოთავაზებამდე. ამასთან, ყველაფერი გადაიფარა ნეგატიური კომპონენტებით.
ჩვენს პარტიას ხვალ გვექნება პოლიტიკური საბჭოს სხდომა, სადაც საბოლოო გადაწყვეტილებებს მივიღებთ და გაგაცნობთ, როგორ და რანაირად მივიღებთ ამ პროცესში მონაწილეობას. სავარაუდოდ, იმ პროცესს შევუერთდებით, რაც არის, თუმცა, თუ განსხვავებული პოზიცია გვექნება, ამასაც გაცნობებთ აუცილებლად,” – აცხადებს გიორგი ვაშაძე.
ინფორმაციისთვის: საპარლამენტო უმრავლესობა გეგმავს დააინიციროს 2020 წლის საპარლამენტო არჩევნების შემსწავლელი დროებითი საგამოძიებო კომისიის შექმნა.
