მივიღეთ გადაწყვეტილება, რომ უფასო სასადილოებით სარგებლობის მომლოდინე ადამიანების რაოდენობა გავანულოთ – კახა კალაძე

831

მთავრობის მუნიციპალიტეტის სხდომაზე, დედაქალაქის მერმა კახა კალაძემ, განცხადება გააკეთა უფასო სასადილოების პროგრამასთან დაკავშირებით და აღნიშნა, რომ 3500 ადამიანი მოლოდინის რეჟიმშია, რათა ჩაჯდეს ამ პროგრამაში. მერიის გადაწყვეტილებით მომლოდნე ადამიანების რაოდენობა განულდება და მათაც მიეცემათ ამ პროგრამაში ჩართვის შესაძლებლობა, ყოველი მათგანი მიიღებს აღნიშნული სერვისით სარგებლობის უფლებას:

ჩვენ გვაქვს უფასო სასადილოების პროგრამა, რის საშუალებითაც ვეხმარებით იმ ადამიანებს და ოჯახებს, რომლებსაც ძალიან უჭირთ და მძიმე სოციალურ მდგომარეობაში იმყოფებიან. ამ პროგრამას ჰყავს მომლოდინე ადამიანები. ამ ეტაპზე, საკვებით 40 ათასამდე ბენეფიციარს ვაკმაყოფილებთ, ხოლო დაახლოებით, 3500 ადამიანი არის მოლოდინის რეჟიმში, რომ უფასო სასადილოებით ისარგებლონ. მივიღეთ გადაწყეტილება, რომ მომლოდინე ადამიანების რაოდენობა გავანულოთ და ყველა მათგანი ჩავრთოთ უფასო სასადილოების პროგრამაში.

ვფიქრობთ, არსებულ რთულ ვითარებაში, ჩვენი მხარდაჭერა და თანადგომა თითოეული ამ ადამიანისთვის განსაკუთრებულად პრიორიტეტულია“, – განაცხადა კახა კალაძემ.

ავტორი
ემილი ფეიქრიშვილი

კომენტარები