სოციალურ ქსელსა და მედიაში გავრცელდა „გირჩის“ ლიდერის, ზურაბ ჯაფარიძის განცხადება, სადაც აღნიშნულია, რომ იგი პარტიის წევრებთან იაგო ხვიჩიასთან, ვახტანგ მეგრელიშვილთან და სანდრო რაქვიაშვილთან ერთად „გირჩის კეთებას“ აღარ აპირებს. იაგო ხვიჩიამ ერთი დღით ადრე სოციალურ ქსელში პოსტი განათავსა სადაც, რამდენიმე მაგალითს განიხილავს, როდესაც მისივე თქმით „ყველაზე ლიბერალურმა საზოგადოებამ“ მას „ტალახი ესროლა“. პოსტში პარტიის ლიდერ ზურა ჯაფარიძეს პოზიციის დაფიქსირებისკენ მოუწოდებს.
იაგო ხვიჩიამ, პოსტში განიხილა, მისი თქმით, დაუმსახურებელი კრიტიკა, რომელიც არასრულწლოვანის გამოსახულების შემცველი პორნოგრაფიული ნაწარმოების შეძენა-შენახვისთვის პირის დაკავებასთან დაკავშირებულ განცხადებას მოჰყვა: „ვთქვი რომ ამის გამო დაჭერა არ მოსულა, არაფრის ნახვის და სხვისთვის ჩვენებისთვის არ მოსულა ადამიანის დაჭერა. კაი კაციაო კი არ მითქვამს, პორნოს ყურების გამო დაჭერა არ მოსულათქო“.
პარტია გირჩის ლიდერის, იაგო ხვიჩიას თქმით, არცერთი „გირჩის“ ლიდერის მიმართ არ განხორციელებულა მსგავსი ქმედება და მიიჩნევს, რომ დროა ზურა ჯაფარიძემ საკუთარი პოზიცია გამოხატოს:
„მგონია რომ მართლა დროა ჯაფარამ საკუთარი პოზიცია გამოხატოს, რადგან რასაც ვუყურებ ჩემი მლანძღველების ნაწილი მისი მეგობარი და დამფინანსებელია.
უფრო გასაგებად რო ვთქვათ, გირჩში არის ხალხი რომელიც ფიქრობს რომ გირჩი ერთ კაციანი პარტიაა და ასეთად უნდა დარჩეს.
ეს ხალხი გირჩში მხოლოდ ჯაფარას აღიარებს და დანარჩენს სადაც შანსი აქვს ლანძღავს.ეს ხალხი შანსს არ უშვებს, რომ ჩასაფრებულის პოზიციიდან თავს არ დამესხას და არ დამკორტნოს.არასოდეს არც ერთ ჩემ მეგობარს და დამფინანსებელს ეს არ უქნია გირჩის არც ერთი სხვა ლიდერის მიმართ, ამიტომ მაინტერესებს ნუთუ შეილება ეს ნორმალური იყოს?“ – წერს სოციალურ ქსელში იაგო ხვიჩია.
ავტორი
ნუცა ჯოხაძე
