ჟურნალისტი ბონდო მძინარაშვილი საქართველოს სტრატეგიული პარტნიორების აშშ-სა და ევროკავშირის რეკომენდაციებთან მიმართებაში ოპოზიციის დამოკიდებულებას აკრიტიკებს და რუსეთუმეობაში სდებს ბრალს “ქართული ოცნების” ოპონენტებს:
“ქართულ ოცნებას” რომ რუსეთუმეობას აბრალებდნენ, – ხომ გახსოვთ?
გახსოვთ!
რუსეთის ინტერესებს ატარებენო, – ხომ ადანაშაულებდნენ?
ადანაშაულებდნენ!
ჩვენ მხოლოდ სტრატეგიული პარტნიორების – ამერიკის შეერთებული შტატების და ევროკავშირის რეკომენდაციებით უნდა ვიხელმძღვანელოთო, – ხომ ამბობდნენ?
ამბობდნენ!
ვინც აშშ-ს და ევროკავშირის რჩევებს უგულვებელყოფს, ყველა რუსეთის სამსახურშიაო, – ხომ აცხადებდნენ?
აცხადებდნენ!
ჰოდა, ახლა მე მაინტერესებს:
ვის ინტერესებს ემსახურებიან ის პარტიები და ადამიანები, რომლებიც არც ამერიკის შეერთებული შტატების რჩევებს ითვალისწინებს და ევროკავშირის წევრი სახელმწიფოების დეპუტატების თუ ელჩების რეკომენდაციებიც ფეხებზე ჰკიდია?
იქნებ, მხოლოდ ხელისუფლების სტრატეგიული პარტნიორია ამერიკის შეერთებული შტატები და მხოლოდ ხელისუფლების გასათვალისწინებელია ევროკავშირის რეკომენდაციები?
ამ პარტიებმა და პირებმა თავი სახელმწიფოს მიღმა დაიყენეს?
კი ბატონო, გვითხრან და ჩვენც გვეცოდინება, რომ ამ ინდივიდებმა უარი თქვეს სტრატეგიული პარტნიორი ქვეყნების რჩევების გათვალისწინებაზე და იმასაც გავიგებთ, ამ უარით ვის ინტერესებს ემსახურებიან უკვე ღიად და დაუფარავად!
აი, თქვენი რუსეთუმე თავი კი ჩაქრა!” – წერს ფეისბუქის პირად გვერდზე ბონდო მძინარაშვილი.
