პარტია „მოქალაქეების“ ლიდერი პარტიის სახელით სოციალურ ქსელში, განცხადებას ავრცელებს, სადაც ის პარლამენტის ბოიკოტსა და საბიუჯეტო დაფინანსებას ეხმიანება და აცხადებს, რომ „ბოიკოტი ჩვენ ხომ სწორედ იმიტომ გვაქვს გამოცხადებული რომ შედეგებს არ ვაღიარებთ“. ალექსანდრე ელისაშვილს და მის გუნდს გადაწყვეტილი აქვთ, რომ ბოიკოტის პირობებში, მაშინ როდესაც მათი პარტია ცესკოს მონაცემებს არ აღიარებს, საჭიროების მიუხედავად დაფინანსებას არ აიღებენ:
„კიდევ ერთხელ დავწერ ბოიკოტზე და საბიუჯეტო დაფინანსების აღებაზე. ჩვენ, პარტია “მოქალაქეები” ვართ ბოიკოტის მონაწილეები და სანამ ვართ ბოიკოტის მონაწილეები დაფინანსებას არ ავიღებთ! ბარიერგადალახულ პარტიებს დაფინანსება მიღებული ხმების მიხედვით უანგარიშდებათ, შესაბამისად თუ იღებ თანხას აღიარებ იმ შედეგს რაც დაწერა ცესკომ. ბოიკოტი ჩვენ ხომ სწორედ იმიტომ გვაქვს გამოცხადებული რომ შედეგებს არ ვაღიარებთ. ასე რომ მგონი ლოგიკა უმარტივესია! ჩვენი პარტიისთვის მთავარი არის პრინციპები და ფასეულობები! ფული კიდე ყველაზე მეტად ჩვენ გვჭირდება, მაგრამ ჯერ ღირსება მერე ყველაფერი დანარჩენი“ – წერია ალექსანდრე ელისაშვილის ფეისბუქის საკუთარ გვერდზე.
ავტორი
ნუცა ჯოხაძე
