„ნაციონალური მოძრაობის“ ერთ-ერთი ლიდერი, ზაალ უდუმაშვილი ,,ლოქდაუნ“-ს როგორც პოლიტიკურ გადაწყვეტილებას ისე აფასებს და მისი აზრით აღნიშნულს არაფერი აქვს საერთო ეპიდემიოლოგიურ პროცესებთან. ოპოზიციური ლიდერის განცხადებით საპროტესტო აქციები კვლავ გაგრძელდება, თუმცა რა ფორმით იქნება, ჯერ-ჯერობით უცნობია.
„თუ ხელისუფლებას ჰგონია, რომ „ლოქდაუნის“ გამოცხადების შემდეგ, პროტესტი ჩაცხრება, ძალიან ცდება. ეს „ლოქდაუნი“ კიდევ უფრო მეტ პრობლემას შეუქმნის ჩვენს მოსახლეობას. მთავარი ის არის, რომ ჩვენ არ ვაპირებთ გაჩერებას და იქნება მუდმივი პროტესტი. რა თქმა უნდა, განიხილება მასშტაბური აქციებიც, თუმცა მდგომარეობიდან გამომდინარე, ვინაიდან ქვეყანაში საყოველთაო „ლოქდაუნია“, ტრანსპორტიც გაჩერებულია და ხალხის გადაადგილება ძალიან ჭირს, მე მგონი, ასეთი მასშტაბური „ლოკდაუნის“ გამოცხადება უფრო პოლიტიკური გადაწყვეტილებაა, ვიდრე ეს რეალურად ეპიდემიის შეჩერებას ემსახურება“, – განაცხადა ზაალ უდუმაშვილმა.
ავტორი
ნინო ცინცაძე
