Netflix-ის სერიალში, ‘‘ლაზიერის გამბიტი’’, რომელმაც საკმაოდ დიდი პოპულარობა მოიპოვა მოკლე დროში ნონა გაფრინდაშვილის შესახებ ინფორმაციას აჟღერებს.
Netflix-ის ყველაზე პოპულარული მინი სერიალი, The Queens’s Gambit (ლაზიერის გამბიტი) გახდა, რომელმაც შეძლო და 92 ქვეყანაში საზოგადოების უდიდესი ყურადღება მიიპყრო, რა თქმა უნდა, არც საქართველო გახდა გამონაკლისი და სერიალმა ქართველი მაყურებლის გული საკმაოდ მალე მოიგო.
სერიალი ობოლ გოგონაზე, ელიზაბეტ ჰარმონზეა, რომელმაც მოჭადრაკისთვის დამახასიათებელი გონიერება ადრეული ასაკიდანვე გამოავლინა და 16 წლისამ აშშ-ის ჩემპიონის ტიტული მოიპოვა, ‘‘ლაზიერის გამბიტში’’ ხაზი აქვს გასმული ქალის აღიარებას აღნიშნული სპორტის სახეობაში და გვაჩვენებს იმ დროინდელი საბჭოთა კავშირის ღირებულებებს.
ქართველი მაყურებლისთვის ფინალური სერია განსაკუთრებულად ემოციური აღმოჩნდა, სადაც ნონა გაფრინდაშვილის შესახებ არის გაჟღერებეული ინფორმაცია იმ მომენტში, რომელშიც მთავარი გმირი კაც მეტოქეს უპირისპირდება.
‘‘ელიზაბეტ ჰარმონში ერთადერთი უჩვეულო სქესია, მაგრამ რუსეთისთვის არც ეს არის უნიკალური, უნდა გავიხსენოთ ნონა გაფრინდაშვილი, თუმცა ის ქალების მსოფლიო ჩემპიონია და მამაკაცებთან თამაში ჯერ არ მოსწევია...’’ – ნახსენებია ერთ-ერთი ეპიზოდში, 30:00 წუთზე.
აღსანიშნავია ისიც, რომ ნონა გაფრინდაშვილზე ეს ინფორმაცია ფაქტობრივად სიმართლეს არ შეესაბამება, რადგან მას მამაკაცებთანაც არაერთხელ უთამაშია.
ავტორი
ანა რობაქიძე