“ლოკდაუნის” შესახებ გადაწყვეტილება ამ ეტაპზე არ არის მიღებული – მაია ცქიტიშვილი

რეგიონული განვითარებისა და ინფრასტრუქტურის მინისტრის, ვიცე პრემიერის, მაია ცქიტიშვილის განცხადებით, შეზღუდვებთან დაკავშირებით კონკრეტული გადაწყვეტილებები არ არის მიღებული. ამის შესახებ მან უწყებათაშორისი საკოორდინაციო საბჭოს სხდომის დასრულების შემდეგ განაცხადა და აღნიშნა, რომ სახელმწიფოს მხრიდან კონკრეტული გადაწყვეტილება მიღებული იქნება ფართო კონსულტაციების გზით:

“სამწუხაროდ, როგორც მედიასაშუალებებით, ასევე მოსახლეობაში ვრცელდებოდა არასწორი ინფორმაცია იმასთან დაკავშირებით, თითქოს, გუშინაც ან დღესაც მივიღებდით გადაწყვეტილებას სისტემური „ლოკდაუნის“ შესახებ. ასეთი ტიპის გადაწყვეტილება ამ ეტაპზე არ არის მიღებული. ეს გადაწყვეტილება არის ის გადაწყვეტილება, რომელიც უნდა იქნას მიღებული ფართო კონსულტაციების გზით, რასაც ჩვენ უკვე აქტიურად ვახორციელებთ და ეს პროცესი აქტიურად გაგრძელდება“, – განაცხადა მაია ცქიტიშვილმა.

მაია ცქიტიშვილის თქმით მოლაპარაკებები მიმდინარეობს ვაქცინაციისთვის მოსამზადებელ სამუშაოებთან დაკავშირებითაც.

ავტორი
ნინო ცინცაძე